TEKKEN 5 ТҮҮХ

Тэккэн 5
Жин Хон-мару дожогоос нисэн одсоноос хэдхэн мөчийн дараа нисдэг тэргүүд Дожо-гын дэргэд газардав. Энэ чимээнээр Хэйхачи, Казуяа хоёр ч сэржээ. Жэк-4 гэх андройдуудад  Жи-корпорациас тэр хоёрыг хөнөөх тушаал өгсөн байлаа. Тэдний эсрэг Хэйхачи, Казуяа хоёр хамтран тулалдаж андройдуудыг сөнөөж байсан боловч Хэйхачи анхаарлаа сулруулах мөчид Казуяа түүнийг Жэк-4 үүдийн дунд шидэж, андройдууд түүнийг даран унаж тэдний нэг нь өөрийгөө дэлбэлж Хон мару дожо үнс нурам болов. Энэ хооронд Казуяа зугтаж амжсан байлаа. Энэ үйлд явдлыг харсан ганц гэрч бол хар хувцаст нууцлаг агент Равэн. Тэрээр өөрийнхөө эзэнд Хэйхачи-г нас барсан гэж дуулгах аж. Равэний араас гэнэт Жэк-4 довтлох боловч сэлмээрээ түнийг хоёр хэсэг болгон хувааж ойгоос явна.
Дараагын өдөр нь Хэйхачи –г үхсэн гэсэн мэдээ дэлхий даяар тархаж, хүмүүс Мишима Зайбацу-гын төгсгөл ирж хэмээн ярилцаж байлаа. Гэвч үнэндээ корпораци-ын удирдлагыг өөр хэн нэгэн аль хэдийн авсан байж корпораци хэвийн үйл ажиллагаа явуулсаар байлаа. Түүнээс хоёр сарын дараа “Төмөр нударга 5” тэмцээн зарлагдав.
Жиний Devil ген уур хилэндээ автаж, энэ бүхний буруутанг хайхаар тэмцээнд орохоор шийдэв. Казуяа ч мөн адил Жи-корпораци-ын хэн гэгч өөрийг нь алуулахаар Жэк-4 үүдийг явуулсан болох, мөн Мишима Зайбацу-г хэн удирдаад байгааг мэдэхийн тулд тэмцээнд оролцохоор болжээ.
Тэр хоёр тэмцээнд өрсөлдөгчдөө ялан явсаар эцэст нь ивээн тэтгэгч хүн хэн болох нь мэдэгдэв. Тэр бол Жинпачи Мишима, 50 жилийн өмнө ор сураггүй алга болсон Хэйхачи-гийн эцэг байв. Үнэндээ Жинпачи Мишима Зайбацу-гын үүсгэн байгуулагч бөгөөд шуналтай хүү нь түүнээс корпораци-ыг нь булааж Хон Мару дожо-гын доор түүнийг хорьсон байна. Жинпачи хоол хүнсгүй өлсөж үхжээ. Үхсэнийх нь дараа Devil түүний биед шингэж түүнийг мөнх настай болгон хувиргажээ. Жэк-4-үүд дэлбэрэх үед тэр хорионоос чөлөөлөгдөж. Одоо бол Devil Жинпачи-гын биеийг бүрэн эзэмшихээр оролдож байв. Тиймээс тэрээр хэн нэгэн өөрийг нь хөнөөж энэ хараалыг нь дуусгана хэмээн найдаж уг тэмцээнийг зарлаж.
Казуяа өрсөлдөгчдөө ялан явсаар Хэйхачи-тай тулгарав. Тэрээр дожо-г дэлбэрэхээс өмнө зугтаж амжжээ. Хэйхачи Казуяаг ялж Жинпачи-тай тулалдахаар болсон боловч түүнд ялагдаж. Эцэст нь Жин Devil-д бүрэн автсан Жинпачи-тай нүүр тулгарч түүнийг ялжээ.     Хүсэл нь биелсэн Жинпачи тоос болон замхарлаа. Казуяа ч, Хэйхачи ч ялагдсан учраас одоо бол Жин Мишима Зайбацу-гын шинэ эзэн.